Internationaler Strafgerichtshof

Dä Artikel behandlet dr Internazionali Stroofgrichtshoof, wo in Aagläägehäite vom Völkerstroofrächt urdäilt. Er sött nit mit em Internazionale Grichtshoof (IGH) verwäggslet wärde.

Internazionale Stroofgrichtshoof IStGH
Logo vom Internazionale Stroofgrichtshoof
Änglische Name	International Criminal Court (ICC)
Französische Name	Cour pénale internationale (CPI)
Sitz vo de Organ	Den Haag, Niiderland
Vorsitz	Richterin Silvia Fernández de Gurmendi (Argentinie), Bresidäntin vom Internazionale Stroofgrichtshoof
www.icc-cpi.int

Dr Internazionali Stroofgrichtshoof (IStGH; franzöösisch Cour pénale internationale, CPI; änglisch International Criminal Court, ICC) isch e ständigs internazionals Stroofgricht mit Sitz z Den Haag (Niiderland). Er isch dur s multilaterale Römische Statut vom Internazionale Stroofgrichtshoof vom 17. Juli 1998 entstande und het am 1. Juli 2002 afo schaffe.^[1]

Dr IStGH isch en internazionali Organisazion, und sini Beziejig zu de Veräinte Nazione isch über e Kooperazionsabkomme greeglet. Mä sött en nid verwäggsle mit em Internazionale Stroofgricht für s ehemoolige Jugoslawie (ICTY) bzw. mit em Internazionale Stroofgricht für Ruanda (ICTR), wo in dr Umgangssprooch as „UN-Chriegsverbrächerdribunal“ bezäichnet wärde.

1. ↑ Meret Baumann: Wie am Stadtrand von Den Haag ein „Weltgericht“ entstand. In: Neue Zürcher Zeitung – Internationale Ausgabe, Samstag, 30. Juni 2012 (Nr. 150), S. 9.